Messaġġ tas-Sindku

Huwa pjaċir tiegħi li bħala Sindku nagħtikom merħba għal dan is-sit elettroniku ġdid għall Kunsill Lokali tagħna. Kienet ilha tinħass il-ħtieġa li jsir sit elettroniku ġdid li jkun aktar modern u li fl-istess ħin ikun aktar aċċessibli għal kull minn irid juża dan is-sit.

Kif semmejt jien stess waqt il-press conference li saret fuq il-proġett pilota li sar mal-adulti ta’ eta l-fuq minn 50 sena fuq l-użu tat-tablet, is-soċjeta tal-lum teħtieġ li jkun hemm integrazzjoni bejn generazzjonijiet differenti mill-għad teknoloġiku fejn ħadd ma jħossu eskluż. Barra minn hekk l-internet iservi tal-ewwel punt ta referenza għall ħafna persuni biex minn hemm ikunu jistgħu jagħmlu aktar kuntatt fid-dettal m’ entitajiet li jkollhom bżonn javviċinaw. Sabiex il-Kunsill Lokali ikompli jkun trasparenti qed noffru wkoll servizz ta live streaming tal-laqgħat tal-Kunsill, fejn bħala Kunsill konna wieħed minn tal-bidu f’ dan il-qasam.

Din il-website qed isservi biex il-Kunsill Lokali jkun aktar viċin tagħkom u fl-istess ħin tkunu tistgħu tużaw il-faċilitajiet u issiru tafu fuq il-lokalita tagħna fl-istess punt ta referenza. Nistedinkom għalhekk biex iżuru dan is-sit elettroniku ġdid u twasslu l-kelma lill kull minn tafu sabiex inkomplu intejbu s-servizz tagħna.

Tislijiet,

John Schembri
Sindku